السلام عليكم و رحمه الله و بركاته
قبل لا اتكلم بالموضوع احب اوضح شغلتين الشغله الاولى لا حسبالكم انا دين ومتعصب
ومربي لحيتي .. لا انا عادي والحمدالله عندي ربع وايد منهم الدين ومنهم الصايع منهم الشين
ومنهم الخكاره ارافج اي واحد ما تتصورون حتى الجنوس عندي ربع جنوس والله العظيم
بس علشان اوضح اكثر يعني مو ربع ربع لا تربطني فيهم علاقه وحسب ... يعني الزين
اماشيه واطلع معاه بس الي مو زين اخلي علاقتي معاه سطحيه علشان صار ما صار لا
يتشمتون فيني وخاصتا انا مجرب مثل هل مواقف الي يسمونها (( سياسه التلميع )) ...
المهم انا بس اتكلمت بهل موضوع علشان لا تاخذون عني فكره اهيا بعيده اصلا عني
مقابلتي مع الشيخ عثمان الخميس ..
من ضمن ربعي اعرف واحد ملتزم وايد واهو خوش واحد وانا احتك معاه وايد واقعد اناقشه
بمسائل دينيه و كل واحد يقط فتوه على الطاير .. فذاك اليوم قاعد اناقشه بمسأله .. ما ابي
ما ابي اتكلم فيها بس اختلفنا .. قالي اشرايك انروح حق عثمان الخميس نسأله ونجوف رايه
قلت له عثمان الخميس ما غيره الي يحطونه بالمستقله و ويتكلمون عن الطائفيه المذهبيه
قالي اي ... قلت له هذي فيها امن دوله .. قالي خلاص كيفك بس المهم كذا و كذا .. جان
اقوله والله >> (( قاعد اتحداه اني انا الصح )) .. جان يقولي والله .. قلت له فووووووقه
اتفقنا امس الجمعه انه انروح مسيد بمنطقه مشرف ناسي اسمه بس اهو جنه ق1 من صوب
نادي اليرموك .. رحنا ووصلنا .. وانا كنت متعمد حاط جل و لابس بنطرون و متزقرت
بشوف ردت فعلهم .. و النتيجه ماااكو ردت فعل .. انا كنت حاط ابالي انهم بيكفروني او شي
بس ابدا مافي شي من هذا .. ويوم شفت عثمان الخميس بالصج كان بشوش دائم الابتسام
الضحكه ما تفارق ويهه .. وكان خوش واحد وقعدنا نتناقش بهدوء
و النتيجه ..
ماكو نتيجه ..
المهم استفدنا منه واتشرفنا بلقائه و دمتم
طبعا اول شي احب اسلم عليكم تسليما كثيرا ...
وثاني شي هذا اول بوست رسمي لي يعني خليكم صبورين معاي . المهم انا امس رحت محميه واحد من الربع بجبد و الصراحه شفت ما يبهر العين والقلب .. شي مو طبيعي اهو بط نادر اهو طيور فلمينغو >> بو ريول اطوال اذا اتعرفونهم .. اهو نوافير يعني شي شي مو طبيعي الصراحه كل انواع الطيور تقريبا مناك>> ( شويه قويه ) بس والله ثم والله لو اوديكم راح تتعجبون البط انواع و اشكال وكلهم نادرين ونفس الشي الدياي الريش بكل مكان الديايه ما اتشوفون ويها من كثر الريش عل عموم بخليكم مع جم صوره بس حسافه صورتهم بليل لأنه ما لحقنا ما وصلنا الا الساعه 5 على ما سلمنا وضيفونا الشباب الا صار الليل وبعدها شفنا المحميه
وهذي جم صوره للبط النادر
هذا يسمونه بط امفلفل .. لأنه ريشه امفلفل
وهذا بط فرعوني لأنه يشبه الرسمات الفرعونيه .. شكو مادري
ولو اتلاحظون على اليمين فيه طير الفلامنغو انا امصوره بس مادري وين راحت الصوره
وانشالله بالمره اليايه انز صور اوضح وتكون بالنهار
هاذي اول مدونه اكتبها كتبتها بس جذي عبط لأنه ما عندي شي الحين اكتبه انشالله في المستقبل القريب انشالله راح ابدء بالكتابات
وانشالله ابهركم فيها راح احسون انه المتنبي قاعد يكتب مو حسن ...
ترى من صجي قاعد اتكلم مو قاعد اتغشمر
الاشتراك في:
الرسائل (Atom)
المشاركات
